Unha licenza de redes sociais permite usar a fonte dixital en contidos creados e publicados en plataformas de redes sociais, como Instagram, Facebook, TikTok e máis.
A fonte pode empregarse para crear imaxes estáticas ou vídeos, aínda que algunhas fundicións usan unha licenza separada para o contido en vídeo. Para publicidade ou contido pagado, algunhas fundicións ofrecen outra licenza que mide o número de impresións.
Como noutros casos, o uso en redes sociais adoita estar incluído nas licenzas básicas ou integrado nun paquete de licenzas. Aínda así, algunhas fundicións seguen unha estratexia diferente, que consiste en dividiren a licenza en usos máis específicos como redes sociais, logotipos ou publicidade dixital.
Os tramos de prezos calcúlanse principalmente polo número de seguidores ou subscritores, cun límite inicial de 10.000. O prezo medio para unha fonte de texto —nunha mostra de 18 fundicións— é de 66 €; un pouco máis alto mais non moi afastado do prezo medio das licenzas de escritorio e web.