Esta licenza concede o dereito a usar a fonte dixital en aplicacións de escritorio, como programas de deseño gráfico ou procesadores de texto. A fonte pode instalarse localmente nun computador ou noutro dispositivo electrónico, permitindo o seu uso en calquera software que soporte o formato da fonte. Escritorio (Desktop) é o termo máis utilizado para este tipo de licenza, aínda que tamén se poden encontrar outros títulos como Impresión, Básica, Offline ou Traballo Creativo.
3a. Escritorio
Un dos factores que fan este tema especialmente complexo é a variedade de criterios para definir o uso das fontes. As licenzas ofrécense a diferentes prezos segundo unidades de medida específicas. Os seus valores marcan o alcance e custo da licenza, delimitando restricións de uso e definindo escalas de prezos. A licenza de Escritorio é a que ten maior consenso respecto á medición do uso das fontes. Só atopamos 3 métricas diferentes, todas relacionadas co número de posibles usuarias da fonte.